"წაგებული თამაშიდან შეიძლება ბევრად მეტი ისწავლო, ვიდრე მოგებული თამაშიდან. სანამ კარგი მოთამაშე გახდები, ასობით თამაშის წაგება მოგიწევს."
- ხოსე რაულ კაპაბლანკა
წიგნი "ჭადრაკი ყველასთვის"
დავით ჯოჯუას საჭადრაკო სკოლიდან შედგა წიგნის “ჭადრაკი ყველასთვის” ონლაინ პრეზენტაცია. წიგნის წარდგინება სიმბოლურად გაიმართა შეზღუდული შესაძლებლობების მქონე პირთა საერთაშორისო დღეს. ავტორები გახლავთ საერთაშორისო დიდოსტატები სალომე მელია და დავით ჯოჯუა. “ჭადრაკი ყველასთვის”- ეს არის პირველი საჭადრაკო წიგნი ქართულ ენაზე ბრაილის შრიფტით, რაც მის უნიკალურობას განსაზღვრავს. წიგნი აგრეთვე დაიბეჭდა მხედრული შრიფტით. იგი შექმნილია ნებისმიერი ასაკის თუ სტატუსის მქონე მკითხველისათვის. ამაზე წიგნის დასახელებაც მეტყველებს.
