2-დან 10 ივლისის ჩათვლით ქ. ბათუმში მუხრან ვახტანგაძის სახელობის ბათუმის სპორტის სასახლეში ჩატარდა საჭადრაკო ფესტივალი “ბათუმის მერიის თასი” 2023. ტურნირი გაიმართა 8-10-12 წლამდე ასაკის ბიჭებსა და გოგონებს შორის და ასევე 1600-მდე, 2200-მდე და 2200-ის ზემოთ რეიტინგ კატეგორიებში. სულ ფესტივალში 19 ქვეყნის 400-მდე სხვადასხვა ასაკის და რანგის მოჭადრაკე იღებდა მონაწილეობას.
ჩვენი სკოლის დელეგაციას ხელმძღვანელობდა საერთაშორისო დიდოსტატი კონსტანტინე შანავა. ტურნირში მონაწილე მოსწავლეებისათვის ყოველდღიურად ხდებოდა ნათამაშები პარტიების განხილვა და მომდევნო ტურისთვის მომზადება.8 წლამდე ბიჭებში შთამბეჭდავად ითამაშა და დამსახურებულად მოიპოვა ჩემპიონის ტიტული 9-დან 8,5 ქულით გაბრიელ მეტრეველმა (მწვრთნელი კონსტანტინე შანავა).
ვულოცავთ გაბრიელს პირველ ადგილს და ვუსურვებთ შემდგომ წარმატებებს.ასევე დამაკმაყოფილებლად იასპარეზეს ჩვენი სკოლის დანარჩენმა მოსწავლეებმა, იმის გათვალისწინებით, რომ პირველად იღებდნენ მონაწილეობას ასეთ მასშტაბურ საერთაშორისო ტურნირში. 
ვუსურვებთ თითოეულს მომავალ წარმატებებს.